Tool para sa Paghahanda sa Eleksyon
Hunyo 2, 2026, Pinagsamang Pambuong-Estado na Tuwirang Primaryang Eleksyon
Mabuhay! Sagutin ang tatlong maiikling katanungan upang maihanda ang iyong plano sa pagboto sa darating na eleksyon sa Hunyo 2.
1. Ikaw ba ay rehistrado upang bumoto sa San Francisco?
Mahusay! Ipadadala namin ang mga pakete sa mga rehistradong botante sa pamamagitan ng koreo sa maagang bahagi ng Mayo.
Isang hakbang na maaari mong gawin ngayon upang matiyak na mapadala sa tamang oras ang iyong mga materyales sa eleksyon ay ang pagcheck kung tama ang iyong kasalukuyang address. Bisitahin ang voterstatus.sos.ca.gov o makipag-ugnayan sa Departamento ng mga Eleksyon sa (415) 558-6104 o sa sfvote@sfgov.org.
Para makilahok sa Hunyo 2 na eleksyon, maaaring magparehistro para bumoto gamit ang isa sa apat na mga paraan:
- Hanggang Mayo 18, 2026, maaaring magparehistro online sa registertovote.ca.gov.
- Hanggang Mayo 18, 2026, maaaring magparehistro sa pamamagitan ng koreo (makipag-ugnayan sa amin para sa papel na form).
- Hanggang sa Araw ng Eleksyon, Hunyo 2, 2026, maaari kang magparehistro sa City Hall Voting Center.
- Sa Araw ng Eleksyon, Hunyo 2, 2026, maaari kang magparehistro sa inyong lugar ng botohan sa komunidad.
Para sa karagdagang impormasyon bisitahin ang aming Register to Vote page.
Para i-check kung ikaw ay rehistradong bumoto sa San Francisco, gamitin ang Voter Portal o makipag-ugnayan sa amin. (Pagkatapos, bumalik sa tool na ito.)
2. Napagpasyahan mo na ba kung paano ka boboto sa Hunyo 2 na Eleksyon?
Mahusay! Salamat sa paggawa ng plano para bumoto.
Abangan ang inyong pakete ng vote-by-mail na balota ngayong Mayo. Kasama ng balota, maglalaman ang iyong pakete ng mga instruksiyon, pambalik na sobre na bayad na ang selyo, at isang "Bumoto Ako" na sticker.
Maaaring ibalik ang inyong balota sa pamamagitan ng koreo o nang personal sa opisyal na kahon na hulugan ng balota, sa City Hall Voting Center, o saanmang lugar ng botohan sa Araw ng Eleksyon. Mangyaring tandaan na pirmahan ang sobre ng inyong balota at ibalik ito sa lalong madaling panahon. Ang mga balota na ibinalik sa pamamagitan ng koreo ay dapat may tatak ng koreo (postmark) hanggang sa Araw ng Eleksyon, Hunyo 2. Ang mga balotang isinauli nang personal ay dapat maibalik nang hindi lalampas ng 8 p.m. sa Araw ng Eleksyon.
Maaaring mag-sign up para makatanggap ng awtomatikong notipikasyon tungkol sa katayuan ng inyong balota sa pamamagitan ng email text o voice message sa wheresmyballot.sos.ca.gov.
Para sa karagdagang impormasyon bisitahin ang Vote by Mail na pahina.
Mahusay! Salamat sa paggawa ng plano para bumoto.
Simula Mayo 4, maaari kayong kumuha ng balota o bumoto nang personal sa City Hall Voting Center. Ang Sentro ng Botohan ay bukas mula Lunes hanggang Biyernes mula 8 a.m. – 5 p.m. (maliban sa Mayo 25), ang dalawang katapusan ng linggo bago ang Araw ng Eleksyon mula 10 a.m. – 4 p.m., at sa Araw ng Eleksyon mula 7 a.m. – 8 p.m.
Sa Araw ng Eleksyon, magbubukas ang 501 na mga lugar ng botohan mula 7 a.m. – 8 p.m. Hanapin ang inyong itinalagang lugar ng botohan at i-check ang mga oras ng paghihintay gamit ang Voting Site Wait Time Lookup Tool.
Bisitahin ang aming Vote in person page para sa karagdagang impormasyon.
Mahusay! Salamat sa paggawa ng plano para bumoto.
Simula Mayo 4, sinumang botante ay maaaring makakuha ng balota gamit ang Aksesibleng Vote-by-Mail (AVBM) na Sistema. Pinapayagan ng AVBM na sistema ang mga botante na i-download at markahan ang screen-readable na balota. Maaaring gumamit ng screen-reader, head-pointer, sip and puff, o ng iba pang aparato para markahan ang inyong balota.
Para sa mga kadahilanang pangseguridad, ang sistema ng aksesibleng balota ay hindi nag-iimbak o nagpapadala ng mga boto sa pamamagitan ng internet. Kinakailangan na i-print at ibalik ang inyong balota sa pamamagitan ng paggamit ng opisyal na pambalik na sobre o gamit ang dalawang karaniwang sobre. Makikita ang mga instruksiyon kapag mag-log in kayo sa AVBM na Sistema.
Ikagagalak namin na matulungan kayo sa paggawa ng inyong plano sa pagboto!
Marami kayong mga opsyon sa pagboto:
- Sa unang bahagi ng Mayo, ipadadala ng Departamento ng mga Eleksyon sa koreo ang mga balota sa lahat na mga botante. Kasama ng balota, ang iyong vote-by-mail na pakete na maglalaman ng mga instruksiyon, isang pambalik na sobre na bayad na ang selyo, at isang "Bumoto Ako" na sticker. Maaari ninyong ibalik ang inyong balota sa pamamagitan ng koreo, nang personal, o pahintulutan ang iba na ihulog ito para sa iyo.
- Simula Mayo 4, ang lahat na mga botante ay makagagamit ng online na Aksesibleng Vote-by-Mail na sistema para maka-download at mamarkahan ang mga screen-readable na balota.
- Bagama't makatatanggap ang lahat na mga botante ng kanilang mga balota sa koreo, maaari pa rin makaboto ang mga botante nang personal sa City Hall Voting Center o sa mga Lugar ng Botohan.
Para sa karagdagang impormasyon bisitahin ang Ways to Vote page.
3. Kayo ba ay pamilyar sa ranked-choice na pagboto na nagpapahintulot sa mga botante na magranggo ng hanggang sampung kandidato sa mga lokal na labanan?
Mahusay! Sa eleksyon na ito, ang mga botanteng naninirahan sa Superbisoryal na Distrito 2 o Distrito 4 ay makagagamit ng ranked-choice na pagboto upang pillin ang kanilang mga superbisor.
Isa sa pinakamagandang paraan para masubukan ang inyong kaalaman tungkol sa RCV ay ang paggamit ng aming interaktibong RCV Practice Ballot tool. Para sa karagdagang kaalaman maaaring bisitahin ang Ranked-Choice Voting page.
Mabuti, ikinagagalak namin na magbigay ng impormasyon at ng mga mapagkukunan ng kaalaman tungkol sa pamamaraan ng pagboto na ito!
Pinahihintulutan ng ranked-choice na pagboto ang mga botante na magbigay ng ranggo sa mga kandidato ayon sa pagkasunud-sunod ng kanilang kagustuhan (1st na napili, 2nd na napili, atbp.) at nag-aalis ng pangangailangang magsagawa ng hiwalay na pandesisyong eleksyon. Maaaring magranggo ng hanggang 10 na kandidato ang mga botante ngunit hindi kinakailangan. Maaaring iwanan ng blangko ang mga hanay kung hindi nais ng mga botante na magranggo ng ibang mga kandidato.
Sa eleksyon na ito, ang mga botanteng naninirahan sa Superbisoryal na Distrito 2 o Distrito 4 ay makagagamit ng ranked-choice na pagboto upang pillin ang kanilang mga superbisor.
Bisitahin ang Ranked-Choice Voting page para sa karagdagang kaalaman at subukan ang aming Practice Ballot tool.
Magandang panimula – maaaring paghusayin ang kaalaman sa paksang ito sa ilang minuto!
Pinahihintulutan ng ranked-choice na pagboto ang mga botante na magbigay ng ranggo sa mga kandidato ayon sa pagkasunud-sunod ng kanilang kagustuhan (1st na napili, 2nd na napili, atbp.) at inaalis ang pangangailangang magsagawa ng hiwalay na pandesisyong eleksyon. Maaaring magranggo ng hanggang 10 na kandidato ang mga botante ngunit hindi kinakailangang bigyan ng ranggo ang lahat. Maaaring iwanan ng blangko ang mga hanay kung hindi gusto ng mga botante na magranggo sa ibang mga kandidato.
Sa eleksyon na ito, ang mga botanteng naninirahan sa Superbisoryal na Distrito 2 o Distrito 4 ay makagagamit ng ranked-choice na pagboto upang pillin ang kanilang mga superbisor.
Bisitahin ang Ranked-Choice Voting page para sa karagdagang kaalaman at subukan ang aming Practice Ballot tool.