Ang Aking Gabay sa Eleksyon
Nobyembre 3, 2020, Pinagsamang Pangkalahatang Eleksyon
Maligayang pagdating! Gamitin ang tool na ito upang planuhin ang inyong pagboto para sa Nobyembre 3, 2020 na Eleksyon. Umpisahan sa pamamagitan ng pagsagot sa tatlong simpleng tanong upang malaman kung handa na ba kayo para sa eleksyon, at gamitin ang tool na ito upang siyasatin ang iba pang mga paksa tungkol sa eleksyon.
1. Nakarehistro ba kayong bumoto sa San Francisco?
Magaling! Maaaring alam ninyo na, na para sa Nobyembre 3 na eleksyon, ang Departamento ng mga Eleksyon ng San Francisco ay magpapadala ng mga balota sa lahat ng botante. Ipadadala ang inyong balota sa address ng inyong tahanan maliban nalang kung may iba kayong address na pang-koreo sa inyong rekord bilang botante.
Isang aksyon na maaari ninyong gawin ngayong araw upang matiyak na napapanahon ang pagpapadala ng inyong balota at ibang mga materyales sa eleksyon ay ang pagkumpirma o pag-update ng inyong impormasyon sa inyong rekord bilang botante sa website ng Kalihim ng Estado ng California sa voterstatus.sos.ca.gov o makipag-ugnayan sa Departamento ng mga Eleksyon sa (415) 554-4310 o sfvote@sfgov.org.
Upang makilahok sa Nobyembre 3 na eleksyon, ang inyong susunod na hakbang ay magparehistro upang makaboto.
Pumunta sa registertovote.ca.gov, o makipag-ugnayan sa amin, at padadalhan namin kayo sa koreo ng papel na form ng rehistrasyon.
Huwag nang ipagpaliban, magparehistro ngayong araw upang makaboto!
Para sa karagdagang impormasyon, bumisita sa Mga Pangunahing Kaalaman tungkol sa Rehistrasyon.
Upang makilahok sa Nobyembre 3 na eleksyon, dapat kayo ay isang rehistradong botante. Maaari ninyong i-check kung kayo ay nakarehistro gamit ang Portal para sa Botante o makipag-ugnayan sa amin.
2. Napagpasyahan ninyo na ba kung paano kayo boboto sa Nobyembre 3 na Eleksyon?
Magaling! Salamat sa paggawa ng plano upang bumoto.
Abangan ang inyong pakete ng balotang vote-by-mail ngayong Oktubre. Kasama ng balota, ang inyong pakete ay maglalaman ng mga instruksiyon, pambalik na sobre na bayad na ang selyo, at isang “Bumoto ako” na sticker. Maaari ninyong ibalik ang inyong balota sa pamamagitan ng koreo, paghuhulog nang personal sa Sentro ng Botohan sa City Hall o kahit saanmang lugar ng botohan, o makiusap sa ibang tao na ihulog ito para sa inyo. Mangyaring tandaan na pirmahan ang sobre ng balota at ibalik ito sa tamang oras.
Maaari kayong mag-sign up upang makatanggap ng mga awtomatikong notipikasyon sa email, text, o voice message tungkol sa katayuan ng inyong balota sa wheresmyballot.sos.ca.gov
Para sa karagdagang impormasyon, bisitahin ang pahinang Pagboto sa pamamagitan ng Koreo.
Magaling! Salamat sa paggawa ng plano upang bumoto.
Maaaring alam ninyo na, na para sa Nobyembre 3 na eleksyon, ang Departamento ng mga Eleksyon ng San Francisco ay magpapadala ng mga balota sa lahat ng botante. Bagama’t makatatanggap kayo ng balota sa inyong koreo, maaari ninyo pa ring gamitin ang mga pang-personal na serbisyo sa Sentro ng Botohan sa City Hall o isa sa 588 lugar ng botohan.
Dahil sa oportunidad na maagang makaboto 29 araw bago ang Araw ng Eleksyon, hinihikayat namin kayo na bumoto sa lalong madaling panahon. Kung kayo ay makaboboto nang maaga sa personal man o sa koreo, maiiwasan ninyo ang paghihintay at masisikip na mga pampublikong lugar, at masusuri at mabibilang nang maigi ang inyong balota bago pa ang Araw ng Eleksyon.
Para sa karagdagang impormasyon tungkol sa mga serbisyo sa pagboto nang personal, bisitahin ang pahinang Mga Paraan sa Pagboto.
Magaling! Salamat sa paggawa ng plano upang bumoto.
Maaaring alam ninyo na, na para sa Nobyembre 3 na eleksyon, ang Departamento ng mga Eleksyon ng San Francisco ay magpapadala ng mga balota sa lahat ng botante.
Simula Oktubre 5, maaari nang gamitin ng lahat ng botante ang Accessible na Sistemang Vote-by-Mail sa website ng Departamento. Pinahihintulutan ng Sistema ang lahat ng botante na i-download at markahan ang balotang nababasa sa screen sa alinmang aparato na mayroong access sa internet, i-print ang kanilang mga pagpipilian, at ibalik ang naka-print na balota sa Departamento. Maaari ninyong gamitin ang sobre na bayad na ang selyo na nakalakip sa inyong pakete ng vote-by-mail upang ibalik ang inyong balota. Mangyaring tandaan na pirmahan ang sobre ng balota at ibalik ito sa tamang oras.
Maaari kayong mag-sign up upang makatanggap ng mga awtomatikong notipikasyon sa email, text, o voice message tungkol sa katayuan ng inyong balota sa wheresmyballot.sos.ca.gov
Para sa karagdagang impormasyon, bisitahin ang pahinang Bumoto Gamit ang Accessible na Sistemang Vote-by-Mail.
Ikagagalak naming makatulong sa inyong makagawa ng plano upang kayo’y makaboto!
Mayroon kayong ilang mga opsiyon sa pagboto:
- Ngayong Oktubre, magpapadala ang Departamento ng mga Eleksyon ng mga balota sa lahat ng botante.
Kasama ng balota, ang inyong pakete ay maglalaman ng mga instruksiyon, pambalik na sobre na bayad na ang selyo, at isang “Bumoto ako” na sticker. Maaari ninyong ibalik ang inyong balota sa pamamagitan ng koreo, paghuhulog nang personal sa Sentro ng Botohan sa City Hall o kahit saanmang lugar ng botohan, o makiusap sa ibang tao na ihulog ito para sa inyo. - Simula Oktubre 5, maaari nang gamitin ng lahat ng botante ang Accessible na Sistemang Vote-by-Mail sa website ng Departamento upang i-download at markahan ang mga balotang nababasa sa screen. Matapos markahan ang balota, kailangang i-print at ibalik ng botante ang balota sa Departamento.
- Bagama’t makatatanggap ang lahat ng botante ng balota sa pamamagitan ng koreo, maaari pa ring gamitin ng mga botante ang mga pang-personal na serbisyo sa Sentro ng Botohan sa City Hall o mga lugar ng botohan.
Para sa karagdang impormasyon at ibang mga opsiyon sa pagboto, bisitahin ang pahina 3 ng Mga Paraan sa Pagboto.
3. Pamilyar ba kayo sa ranked-choice voting o pagboto sa pamamagitan ng pagraranggo na nagpapahintulot sa mga botante na mag-ranggo ng hanggang sa sampung kandidato sa mga panlokal na labanan?
Magaling! Kung nakatira kayo sa Superbisoryal na Distritong 1, 3, 5, 7, 9, o 11, ang inyong balota sa Nobyembre 3 na eleksyon ay maglalaman ng labanang may ranked-choice voting (RCV) para sa miyembro ng Lupon ng mga Superbisor.
Hindi sigurado kung nakatira kayo sa Superbisoryal na Distritong 1, 3, 5, 7, 9, o 11? Gamitin ang Portal para sa Botante o bisitahin ang aming pahina ng Mga Mapa.
Isa sa pinakamagandang paraan upang masubukan ang inyong kaalaman tungkol sa RCV ay ang paggamit ng aming interaktibong tool sa Pagsasanay sa Balotang RCV.
Para sa karagdagang impormasyon, bisitahin ang pahinang Ranked-Choice Voting (Pagboto sa Pamamagitan ng Pagraranggo ng mga Piniling Kandidato).
Okay lang ‘yan, ikinagagalak naming magbigay ng impormasyon at mga mapagkukunan ng tulong tungkol sa paraan ng pagbotong ito!
Mula pa noong 2004, gumagamit na ang San Francisco ng ranked-choice voting (RCV) upang iboto ang karamihan sa mga lokal na katungkulan. Pinahihintulutan ng RCV ang mga botante na iranggo ang mga kandidato ayon sa kanilang kagustuhan (Ika-1 pinili, ika-2 pinili, etc.) at inaalis nito ang pangangailangang magsagawa ng runoff elections o pandesisyong eleksyon.
Maaaring magbigay ng ranggo ang mga botante sa lahat ng kandidato sa isang labanan – hanggang sa 10 kandidato bilang pinakamarami – gamit ang mga kolum sa balota upang isaad ang kanilang mga pinipili. Maaaring magbigay ng ranggo ang mga botante nang kahit gaano karami o kakaunting kandidato ayon sa kanilang kagustuhan. Kung hindi gusto ng mga botante magbigay ng ranggo sa ibang mga kandidato, maaari nilang iwanang blangko ang natitirang mga kolum.
Kung nakatira kayo sa Superbisoryal na Distritong 1, 3, 5, 7, 9, o 11, ang inyong balota sa Nobyembre 3 na eleksyon ay maglalaman ng labanan sa ranked-choice voting para sa miyembro ng Lupon ng mga Superbisor.
Hindi sigurado kung nakatira kayo sa Superbisoryal na Distritong 1, 3, 5, 7, 9, o 11? Gamitin ang Portal para sa Botante o bisitahin ang aming pahina ng Mga Mapa.
Para sa karagdagang impormasyon, bisitahin ang pahinang Ranked-Choice Voting (Pagboto sa Pamamagitan ng Pagraranggo ng mga Piniling Kandidato) at subukan ang aming interaktibong tool sa Pagsasanay sa Balotang RCV.
Magandang umpisa! – maaari ninyong matutunan ang paksang ito nang ilang minuto lamang!
Mula pa noong 2004, gumagamit na ang San Francisco ng ranked-choice voting (RCV) upang iboto ang karamihan sa mga lokal na katungkulan. Pinahihintulutan ng RCV ang mga botante na iranggo ang mga kandidato ayon sa kanilang kagustuhan (Ika-1 pinili, ika-2 pinili, etc.) at inaalis nito ang pangangailangang magsagawa ng runoff elections o pandesisyong eleksyon.
Maaaring magbigay ng ranggo ang mga botante sa lahat ng kandidato sa isang labanan – hanggang sa 10 kandidato bilang pinakamarami – gamit ang mga kolum sa balota upang isaad ang kanilang mga pinipili. Maaaring magbigay ng ranggo ang mga botante nang kahit gaano karami o kakaunting kandidato ayon sa kanilang kagustuhan. Kung hindi gusto ng mga botante magbigay ng ranggo sa ibang mga kandidato, maaari nilang iwanang blangko ang natitirang mga kolum.
Kung nakatira kayo sa Superbisoryal na Distritong 1, 3, 5, 7, 9, o 11, ang inyong balota sa Nobyembre 3 na eleksyon ay maglalaman ng labanan sa ranked-choice voting para sa miyembro ng Lupon ng mga Superbisor.
Hindi sigurado kung nakatira kayo sa Superbisoryal na Distritong 1, 3, 5, 7, 9, o 11? Gamitin ang Portal para sa Botante o bisitahin ang aming pahina ng Mga Mapa.
Para sa karagdagang impormasyon, bisitahin ang pahinang Ranked-Choice Voting (Pagboto sa Pamamagitan ng Pagraranggo ng mga Piniling Kandidato) at subukan ang aming interaktibong tool sa Pagsasanay sa Balotang RCV.